Minsan/Madalas

Madalas ayaw mo.
Minsan gusto mo.

Minsan malakas ka.
Madalas hindi mo kaya.

Minsan naiintindihan mo.
Madalas malabo lahat sayo.

Minsan ikaw ay natututo.
Madalas ika'y nauuto.

Madalas gusto mong sumuko.
Minsan gusto mong sumugod.

Minsan punung-puno ka ng swerte.
Madalas naman gumugulong ka sa kamalasan.

Minsan ayaw mong masasaktan.
Madalas ka namang nasusugatan.

Madalas tinatakbuhan mo ang problema.
Minsan naman hinaharap mo sila.

Minsan nakikinig ka.
Madalas ginagawa mo ang gusto mo.

Madalas gusto mong mamatay.
Minsan mahalaga sayo ang buhay.

Minsan nagmahal ka ng lubos.
Madalas puso mo'y naghihikahos.

Madalas kinakapos ka ng grasya.
Minsan ka lang kasi magpasalamat.

Minsan kinalimutan mo siya.
Madalas tuloy lumuluha ka.

Minsan, hinahayaan mo na lang.
Madalas tuloy inaabuso.

Minsan gusto mo ng space.
Madalas naman naghahabol ka.

Minsan alam mo ang gusto mo.
Madalas naman gulung-gulo ka na.

Minsan ka lang magmamahal.
Madalas ka namang masasaktan.

Minsan ang bango-bango mo.
Madalas naman basa ka ng pawis.

Minsan ang ganda ng araw mo.
Madalas naman puro hinagpis.

Madalas eh ang sigla-sigla mo.
Pasalamat ka't minsan lang ang sakit mo.

Minsan ka lang magtiwala.
Madalas eh lolokohin ka pa.

Minsan moody ang mga tao.
Minsan tuloy gusto mong lumayo.

Minsan lang ang birthday mo.
Kaya iselebreyt mo ito ng husto.

Minsan ka lang mabubuhay.
Kaya punuin mo ito ng kulay.

Makulay ang buhay.
Sa sinabawang gulay.

Madalas kang sigurado.
Sablay naman ang kinahihinatnan nito.

Minsan ka lang maging perpekto.
Madalas nga sa panaginip pa ito.

Sa isang madalas sa buhay mo.
Eh sampung minsan naman ang katapat nito.

Minsan hindi ka maintindihan.
Madalas puro ka naman kababawan.

Minsan ginaganahan kang magpatuloy.
Madalas gusto mo na lang tapusin.

Minsan ka lang mabubuhay sa mundong ito.
Kaya gawin mong madalas ang kaligahayan mo.

Madalas akong nagsusulat.
Minsan lang may nagbabasa.

Pero minsan lang ako magsulat ng ganito.
Kaya basahin mo ng husto.